ఆరంభ శూరత్వం

తెలుగులో బ్లాగు రాయాలని ఎప్పటినుంచో అనుకుంటుంటే, ఇదిగో ఇలా ఇవ్వాళ కుదిరింది.నా మొదటి వాక్యం అదిగో అప్పుడే రాసేసాను.

ఇక ఈ తెలుగులో బ్లాగు ఎందుకంటారా, ఎప్పుడో తెలుగులో రాయడం మానేసిన నా బోటి వారికి ఇది ఒక మంచి సాధనం. మాతృభాషలో భావాలను వ్యక్తం చెయ్యడం ఒక తియ్యనైన అనుభూతి. ఇంగ్లీషులో నాకు తెలిసినంత వరకు, వివిధ భావాలకు ఒకే పదం ఉంటుంది. అదే మాతృభాషలో పదాలు ఎక్కువ మరియు అవి మనకు తెలిసినవి కూడా. ఉదాహరణకి ఇంకా సరిగ్గా పండని జామ పండు రుచి తెలుగులో అయితే వగరు, అదే ఇంగ్లీషులో అయితే 'sour' అని వాడతాం. పులుపుకి కూడా ఇంగ్లీషులో పదం 'sour' .

తెలుగు రుచులని అస్వాదించడానికి, మీకు అందించడానికి రాసుకుంటున్నదే ఈ అణు వాదం, నా మానస తరంగం. ఇందులో మీరు కథలు,కవితలు,భాషణలు,సంభాషణలు చూడొచ్చు.ఈ బ్లాగుని రెగ్యులరుగా అప్డేట్ చెయ్యడానికి ప్రయత్నిస్తాను.

మళ్లీ కలుద్దాం. ఆప్పటిదాకా సెలవు మరి !