పథకాలు

పాత పథకాలకు కొత్త పేర్లు
పాత సమాధులకు పండగ సున్నాలు
ఫైలు ఫైలుకీ పర్సెంటేజీ షేర్లు
సగటు మనిషి కళ్ళలో శుక్ల వెలుగులు

పచ్చడి జ్ఞాపకం

తిరగని ఫ్యాను
విరిగిన కుర్చీ
చెదిరిన కల
అభిమానపు వల
గుక్కెడు బాధ
గుప్పెడు దు:ఖం
చెక్కిన శిల్పం
శోక దర్పం
చాలని జీతం
ఆగని జీవితం
కాగిన ముద్ద
నిండని గుండె
నీళ్ళ పులుసు
పచ్చడి జ్ఞాపకం

అవిగో, అల్లదిగో

చెట్ల కొమ్మలలో దాగిన కొయిలలే నా ఆనందం, విచారం
కఠిన శిశిరాన వసంతం గొంతే నా భావావేశం
ఎగురుతున్న సాయంత్రపు కొంగలే నా తెల్లటి స్వప్నాలు
ఆ మసక తెరవెనక అవిగో నా ఆశాశిఖరాలు